جدید بلٹ پروف جیکٹوں کی تیاری میں،ایرانی محققیق کی کامیابی
Apr ۰۸, ۲۰۱۷ ۱۶:۱۹ Asia/Tehran
ایران کی امیر کبیر یونیورسٹی کے محققین نے ایک ایسا نینو کمپوزٹ تیار کر لیا ہے جس سے بلٹ پروف جیکٹیں تیار کی جا سکتی ہیں۔
پروجیکٹ مینیجر آرزو فارسی نے اس جیکٹ کی خصوصیات بیان کرتے ہوئے کہا کہ بلٹ پروف ہونے کے ساتھ ہی اس پر چاقو جیسے کسی تیز دھار آلے کا بھی کوئی اثر نہیں ہوگا۔
آروز فارسی نے مختلف صنعتوں میں نینو کمپوزٹ کے استعمال کی جانب اشارہ کرتے ہوئے کہا کہ اس کی ایک خصوصیت ضرب کے مقابلے میں اس کا مضبوط ہونا ہے اور اسے گاڑیوں، کشتیوں اور ہوائی جہاز کی باڈی بنانے میں بھی استعمال کیا جا سکتا ہے۔
پروجیکٹ مینیجر کا کہنا ہے کہ اس کمپوزٹ کی پیداوار میں فائبر کا استعمال اس کی مضبوطی کا باعث ہوتا ہے اور کسی بھی چیز سے ٹکرانے کی صورت میں اندر کی سطح پر ضرب کا اثر کم ہوجاتا ہے۔