SAHAR

اسلامک کیپیٹل مارکیٹ کے حوالے سے نواں عالمی کورس تہران میں شروع ہوگیا ہے جس میں دنیا کے اٹھارہ ملکوں کے نمائندے شریک ہیں۔

اسلامک کیپیٹل مارکیٹ کے بارے میں اس کورس کا انعقاد اسلامی ترقیاتی بینک کے تعاون سے کیا جارہا ہے جو جمعرات تک جاری رہے گا۔دنیا کے اٹھارہ ملکوں کے تقریبا بتیس ماہرین، دانشور اور محققین اس کورس میں شرکت کر رہے ہیں۔اس کورس کے انعقاد کا مقصد اسلامی اور غیر اسلامی ملکوں کو فقہ جعفریہ کی بنیاد پر اسلامی سرمایہ کاری کے میدان میں نظریاتی اور عملی تربیت فراہم کرنے کے علاوہ اسلامی مالیاتی اداروں کے فروغ اور قیام کا راستہ ہموار کرنا ہے۔