SAHAR

ٹیکسٹائل صنعتوں کی چوبیسویں اور ملبوسات کی چھٹی بین الاقوامی نمائش اتوار سے تہران میں شروع ہو گئی۔

ایران کے وزیر صنعت و تجارت نے مشرق وسطی کی سب سے بڑی ٹیکسٹائل اور ملبوسات کی نمائش کا افتتاح کیا۔ ٹیکسٹائل کی نمائش میں ایک سو اکتالیس ایرانی کمپنیوں کے علاوہ نو ممالک کی اسی کمپنیاں حصہ لے رہی ہیں۔
ملبوسات کی چھٹی عالمی نمائش میں اٹلی، سوئٹزرلینڈ، رومانیہ، بیلجیم، تائیوان، فرانس، ترکی، جرمنی، چین اور آسٹریا کی  درجنوں کمپنیوں نے اپنے سلے سلائے ملبوسات پیش کیے ہیں جبکہ ایران کی اسی کمپنیوں نے بھی اپنے بھرپور اسٹال لگائے ہیں۔
یہ نمائش دو دسمبر سے پانچ دسمبر تک جاری رہے گی۔