Jan ۰۱, ۲۰۱۹ ۱۷:۵۹ Asia/Tehran
  • ایران سے بجلی حاصل کرنے کے سمجھوتے کی مدت میں توسیع سے متعلق پاکستان کی خواہش

پاکستان کے وزیر توانائی نے کہا ہے کہ ایران سے ایک سو چار میگاواٹ بجلی حاصل کرنے کے معاہدے کی مدت بڑھانے کے لئے ایرانی حکام سے بہت جلد جامع گفتگو کی جائے گی۔

پاکستان کے وزیر توانائی عمر ایوب خان نے پاکستان میں ایران کے سفیر مہدی ہنردوست کے ساتھ پیر کے روز اسلام آباد میں ہونے والی ملاقات میں کہا ہے کہ پاکستان بجلی کے شعبے میں ایران کے ساتھ اپنے حالیہ تعاون کو مزید بڑھانا چاہتا ہے۔

پاکستان نے اسلامی جمہوریہ ایران کے ساتھ بجلی کے شعبے میں موجودہ تعاون کو مزید فروغ دینے کے لئے اپنی دلچسپی کا بھی اظہار کیا۔

اس موقع پر ایران کے سفیرمہدی ہنردوست نے بھی پاکستان کی توانائی کی ضروریات کو پورا کرنے کیلئے ایران کی دلچسپی اورعزم کا اظہار کیا۔.

فریقین نے بجلی کی پیداوار اور ترسیل کے شعبے میں مشترکہ طور پرمزید مواقع پیدا کرنے کےعزم کا بھی اظہارکیا۔

 

ٹیگس

کمنٹس