ایران کی اسٹیل برآمدات میں 27 فیصد کا اضافہ
Feb ۲۸, ۲۰۱۹ ۱۱:۴۸ Asia/Tehran
ایران میں سٹیل اور مختلف لوہے کی برآمدات میں گزشتہ سال کے مقابلے میں 27 فیصد کا اضافہ دیکھنے میں آیا ہے۔
تفصیلات کے مطابق، کسٹم کے حالیہ اعداد و شمار میں کہا گیا ہے کہ ایران نے گزشتہ سال کے مقابلے میں رواں سال 3.220 ارب ڈالر کی سٹیل برآمد کی ہیں ۔
اس رپورٹ میں کہا گیا ہے کہ گزشتہ دس مہینوں کے دوران ایران کی کل برآمد ہونے والی مصنوعات میں 9.1 فیصد کا تعلق سٹیل درآمدات سے ہے ۔
اسی دوران ایران نے 47 لاکھ 15 ہزار ٹن سٹیل مصنوعات برآمدات کی ہیں۔
رپورٹ کے مطابق، ایران میں 9 مہینوں کے دوران ایک کروڑ 87 لاکھ ٹن لوہے کی پیداوار ہوئی جو گزشتہ سال کے مقابلے میں 16 فیصد زیادہ ہے ۔
حالیہ اعداد و شمار سے یہ بات ثابت ہوتی ہے کہ گزشتہ 10 ماہ میں مائع گیس کی برآمدات کے علاوہ ایران کی نان آئل برآمدات کی شرح 33.3 ارب ڈالر رہی ۔