ریاست ہماچل پردیش میں سڑک حادثہ درجنوں ہلاک
Apr ۱۹, ۲۰۱۷ ۱۸:۲۷ Asia/Tehran
ہندوستان کی ریاست ہماچل پردیش میں سڑک حادثے میں درجنوں افراد ہلاک ہوگئے ہیں
ہندوستانی میڈیا کے مطابق ریاست ہماچل پردیش کے شہر شملہ کے علاقے نیروا میں ایک مسافر بس ٹونس ندی میں گرگئی جس کے نتیجے میں تینتالیس لوگ ہلاک ہوگئے- مقامی حکام کا کہنا ہے کہ بس میں پچپن افراد سوار تھے - حادثے کی خبر ملتے ہی امدادی ٹیمیں اور پولیس کے دستے جائے حادثہ پر پہنچ گئے- پولیس کا کہنا ہےکہ حادثے کا شکار پرائیویٹ بس ریاست اترا کھنڈ کے وکاس نگر شہر سے ریاست ہماچل پردیش کے شہر تیوڑی جارہی تھی - شملہ کے پولیس سربراہ نے بتایا کہ تینتالیس لوگوں کی لاشیں نکالی جاچکی ہیں اور دیگر لوگوں کو ڈھونڈ نکالنے کا کام جاری ہے