ممـبئی حملے کے ملزمان کو سزا دینے کا مطالبہ
Apr ۲۸, ۲۰۱۷ ۱۵:۰۱ Asia/Tehran
ہندوستان نے پاکستان سے ایک بار پھر بمبئی حملے کے ملزمان کو سزا دینے کا مطالبہ کیا ہے۔
ہندوستان کی وزارت خارجہ کے ترجمان گوپال باگلے نے نئی دہلی میں صحافیوں سے بات چیت کرتے ہوئے دعوی کیا کہ ممبئی حملے کے شواہد اور دستاویزات فراہم کرنے کے باوجود پاکستان اس واقعے میں ملوث عناصر کے خلاف کارروائی سے گریز کر رہا ہے۔انہوں نے پاکستان میں ممبئی حملے کے ملزمان کی آزادانہ نقل و حرکت پر تشویش کا اظہار کیا۔یہ ایسی حالت میں ہے کہ پاکستان اس حملے میں لشکر طیبہ کے سرغنہ حافظ سعید کے ملوث ہونے کے بارے میں ٹھوس شواہد کا مطالبہ کر رہا ہے۔ ہندوستان نے ممـبئی میں دوہزار آٹھ کے حملے کی منصوبہ بندی کا الزام لشکر طیبہ پر عائد کیا تھا۔ اس حملے میں ایک سو اسّی لوگ مارے گئے تھے۔