SAHAR

ہندوستان کے زیرانتظام کشمیر میں سیکورٹی فورس کے ساتھ جھڑپ اور مظاہرین اور سیکورٹی اہلکاروں کے درمیان تصادم میں کم سے کم چار افراد مارے گئے ہیں۔

سری نگر سے پولیس ذرائع کے حوالے سے ہمارے نمائندے نے بتایا ہے کہ مظاہرین اور سیکورٹی فورس کے درمیان تصادم اس وقت شروع ہوا جب بیج بہاڑا کے علاقے میں خفیہ اطلاع پر عسکریت پسندوں کے خلاف آپریشن کیا جارہا تھا۔اس آپریشن میں لشکر طیبہ نامی مسلح گروپ کا ایک کمانڈر جنید متو مارا گیا جس کے بعد مقامی آبادی نے سڑکوں پر نکل شدید احتجاج کیا۔سیکورٹی فورس کی فائرنگ میں کم سے کم تین مظاہرین کے مارے جانے کی خبر ہے۔اس واقعے کے خلاف کشمیر کے دیگر علاقوں سے بھی پرتشدد مظاہروں کی خبریں موصول ہوئی ہیں جس کے نتیجے میں درجنوں افراد زخمی ہوئے ہیں۔وادی کشمیر میں فائرنگ کے دیگر واقعات میں دو سیکورٹی اہلکار بھی مارے گئے ہیں۔