ہندوستان اور پاکستان کے درمیان اقوام متحدہ کی ثالثی کی تجویز مسترد
Jun ۲۳, ۲۰۱۷ ۱۹:۳۴ Asia/Tehran
ہندوستان کی وزارت خارجہ نے نئی دہلی اور اسلام آباد کے درمیان ثالثی کے لئے اقوام متحدہ کے سیکریٹری جنرل کی تجویز کو مسترد کر دیا۔
رپورٹ کے مطابق ہندوستان کی وزارت خارجہ کے ترجمان نے جمعے کے روز نئی دہلی میں ایک بیان میں کہا ہے کہ اقوام متحدہ کے سیکریٹری جنرل انٹونیو گوٹرش نے بحران کشمیر کے حل کے بارے میں ثالثی کی تجویز پیش کرنے میں سنجیدگی کا مظاہرہ نہیں کیا ہے۔
گوپال باگلے نے کہا کہ مسئلہ کشمیر، ہندوستان اور پاکستان کا دو طرفہ مسئلہ ہے جس میں کسی تیسرے فریق کو مداخلت نہیں کرنا چاہئے۔
انھوں نے کہا کہ ہندوستان، پاکستان کے ساتھ مذاکرات کے ذریعے مسئلہ کشمیر کو حل کرنا چاہتا ہے۔