SAHAR

ہندوستان کے زیرانتظام کشمیر میں سیکورٹی اہلکاروں پر ہونے والے مسلح افراد کے حملے میں سی آر پی ایف کا ایک افسر ہلاک اور دو دیگر اہلکار زخمی ہو گئے۔

موصولہ رپورٹ میں بتایا گیا ہے کہ مسلح کشمیریوں نے سرینگر کے پنتھا چوکا علاقے میں سی آر پی ایف کی ایک گاڑی کو اپنے حملے کا نشانہ بنایا جس میں ایک انسپیکٹر جنرل ہلاک اور دو دیگر سیکورٹی اہلکار زخمی ہو گئے۔

حملہ کرنے کے بعد مسلح افراد ڈی پی ایس اسکول میں داخل ہو گئے جہاں سیکورٹی فورس نے ان محاصرہ کرنے کے بعد کارروائی شروع کردی۔

یہ حملہ ایک ایسے مقام پر انجام پایا جہاں سے بس اڈہ بھی قریب تھا جس کی بنا پر حملے کے بعد پورے علاقے میں افراتفری مچ گئی۔

ہندوستان کے سیکورٹی حکام نے اس حملے کو دہشت گردانہ حملہ قرار دیتے ہوئے کہا ہے کہ یہ حملہ گھات لگا کر کیا گیا۔