•  پاکستان پر ہندوستان کا الزام

ہندوستان کے وزیر داخلہ نے اپنے ملک کی بارڈر سیکورٹی فورس سے کہا ہے کہ وہ کنٹرول لائن پر پاکستانی فوجیوں کی جانب سے بلاسبب کی جانے والی فائرنگ کا جواب دیں۔

ارنا کی رپورٹ کے مطابق ہندوستان کے وزیر داخلہ راجناتھ سنگھ نے پیر کے روز ریاست کرناٹک کے دارالحکومت بنگلورو میں ایک بیان میں ایک بار پھر پاکستان پر الزام عائد کیا کہ وہ کشمیر کی کنٹرول لائن پر فائر بندی کی خلاف ورزی کر رہا ہے۔انھوں نے کہا کہ پاکستانی فوجیوں کی فائرنگ میں اب تک ہندوستان کے سیکڑوں عام شہری ہلاک و زخمی ہو چکے ہیں۔دو ہزار تین میں کشمیر کی کنٹرول لائن پر فائر بندی کے بارے میں طے پانے والے سمجھوتے کے باوجود ہندوستان اور پاکستان، ایک دوسرے پر فائربندی کی خلاف ورزی کرنے کا الزام عائد کرتے رہے ہیں۔

Oct ۰۹, ۲۰۱۷ ۱۰:۳۰ UTC
کمنٹس