SAHAR

ہندوستان کے وزیراعظم نریندر مودی نے کہا ہے کہ اچھے اور برے دہشت گردوں کا فرق خطرناک ہے اس لئے کہ دہشت گردی عالمی چیلنج ہے۔

ڈیووس میں عالمی اقتصادی فورم کے افتتاحی سیشن سے خطاب کرتے ہوئے ہندوستان کے وزیراعظم نریندر مودی نے کہا ہم تمام افراد ایک فیملی کی طرح ایک دوسرے سے جڑے ہوئے ہیں، فاصلوں میں حائل رکاوٹوں کوختم کرنے کی ضرورت ہے۔

انہوں نے دہشتگردی پر بات کرتے ہوئے کہا کہ دہشت گردی نے دنیا کی تمام قوموں کو نقصان پہنچایا، اچھے اور برے دہشت گردوں کا فرق خطرناک ہے اورسائبر سیکیورٹی اور نیوکلیئر تحفظ بہت اہم ہے۔

ہندوستان کے وزیراعظم کا کہنا تھا کہ موسمیاتی تبدیلی علاقائی نہیں، عالمی چیلنج ہے، جس سے نمٹنے کے لئےاختلافات ختم کرکے مل کر کام کرنے کی ضرورت ہے۔