ہندوستان ہتھیار درآمد کرنے والا سب سے بڑا ملک بن گیا
Mar ۱۴, ۲۰۱۸ ۱۸:۱۳ Asia/Tehran
ہندوستان گذشتہ دس برس کے دوران ہتھیاروں کی درآمد کے لئے سو ارب ڈالر کا بجٹ مخصوص کر کے ہتھیاروں کی خریداری کرنے والا دنیا کا سب سے بڑا ملک بن گیا۔
رپورٹ کے مطابق اسٹاک ہوم انٹر نیشنل پیس ریسرج فاؤنڈیشن نے اپنی تازہ رپورٹ میں اعلان کیا ہے کہ ہندوستان کی جانب سے اتنے وسیع پیمانے پر ہتھیار خریدے جانے کی وجہ چین اور پاکستان کے ساتھ اس کے اختلافات و کشیدگی ہے۔
ہندوستان نے زیادہ تر یہ ہتھیار امریکہ، روس اور اسرائیل سے خریدے ہیں۔
ہتھیاروں کی وسیع پیمانے پر خریداری کرنے والے ملکوں میں ہندوستان کے بعد سعودی عرب، مصر اور متحدہ عرب امارات کے نام شامل ہیں جبکہ دنیا میں ہتھیاروں کی سب سے زیادہ فروخت کرنے والا ملک امریکہ ہے۔