کشمیر میں جھڑپ، 3 ہلاک
Jun ۰۶, ۲۰۱۸ ۱۱:۰۰ Asia/Tehran
ہندوستان کے زیر انتظام کشمیر کے ضلع کپواڑہ کے مژھل سیکٹر میں دراندازی کی کوشش ناکام بنا دی گئی۔
ہندوستان کے فوجی حکام نے شمالی کشمیر کے سرحدی ضلع کپواڑہ میں لائن آف کنٹرول کے مژھل سیکٹر میں دراندازی کی ایک بڑی کوشش کو ناکام بنانے کے دوران تین عسکریت پسندوں کو ہلاک کرنے کا دعویٰ کیا ہے۔
فوج کا کہنا ہے کہ مارے گئے عسکریت پسند بظاہر غیرملکی ہیں۔
فوج کی شمالی کمان نے اپنے آفیشل ٹویٹر اکاؤنٹ پر ایک ٹویٹ میں کہا ہندوستانی فوج نے مژھل سیکٹر میں دراندازی کی ایک کوشش کو ناکام بنادیا۔
دوسری جانب ہندوستان کا کہنا ہے کہ لشکر طیبہ نے اترپردیش کو دہشتگردانہ کارروائیاں کرنے کی دھمکی دی جس کے بعد ریاست بھر میں الرٹ جاری کردیا گیا ہے اور سیکورٹی سخت کردی گئی ہے ۔ خفیہ ایجنسی کی اطلاع کے مطابق لشکر طیبہ اترپردیش کے میں دھماکے کرنے کی سازش تیار کی ہے۔
