ایران میں قید 21 ہندوستانی ماہیگیر رہا
Aug ۰۱, ۲۰۱۸ ۱۱:۴۲ Asia/Tehran
ہندوستان کی وزیر خارجہ نے اپنے ٹویٹ میں کہا کہ ایران نے ہندوستان کے 21 ماہیگیروں کو رہا کردیا ہے۔
ہندوستان کی وزیر خارجہ سشما سوراج نے کہا کہ رہا ہونے والے ماہیگیر ایران کے علاقے نخل تقی سے گرفتار ہوئے تھے۔
ہندوستان کی وزیر خارجہ کا کہنا تھا کہ رہا ہونے والے ہندوستانی ماہیگیروں کا تعلق تامیل ناڈو سے ہے۔ انہوں نے کہا کہ رہا ہونے والے ماہیگیروں کی واپسی کا عمل جمعہ کے روز سے شروع ہو گا۔
واضح رہے کہ ایران نے رواں سال 2018 کے اوائل میں غیر قانونی طور پر ایران میں داخل ہونے والے 8 ماہیگیروں کو رہا کیا تھا اور گزشتہ دو سال میں ایران نے جذبہ خیر سگالی کے طور پر ہندوستان کے 50 ماہیگیروں کو رہا کیا ہے۔