او آئی سی کے اجلاس میں ہندوستان کی شرکت پاکستان کی عدم شرکت
Mar ۰۱, ۲۰۱۹ ۰۹:۰۰ Asia/Tehran
او آئی سی کے اجلاس سے ہندوستان کی وزیر خارجہ آج خطاب کریں گی جبکہ پاکستان کے وزیر خارجہ نے بطور احتجاج شرکت نہ کرنے کا فیصلہ کیا ہے۔
ہندوستان کی وزیر خارجہ سشما وزیر خارجہ سشما سوراج آج جمعہ کو آرگنائزیشن آف اسلامک کوآپریشن (او آئی سی) کی میٹنگ کے افتتاحی اجلاس میں شامل ہوں گی جبکہ پاکستان کے وزیر خارجہ شاہ محمود قریشی نے بطور احتجاج شرکت نہ کرنے کا فیصلہ کیا ہے۔
سشما سوراج ہندوستان کی پہلی وزیر خارجہ ہوں گی جو اسلامی ممالک کی تنظیم او آئی سی کی میٹنگ میں شامل ہوں گی اور اس کے افتتاحی اجلاس سے خطاب کریں گی۔ او آئی سی کی یہ میٹنگ ابوظہبی میں ہورہی ہے ، جس میں 61 ممالک کے نمائندے شرکت کر رہے ہیں۔
