ہندوستان، پولیس اور نکسلیوں میں جھڑپ 2 نکسلی ہلاک
Apr ۱۸, ۲۰۱۹ ۱۲:۰۰ Asia/Tehran
ہندوستان میں جہاں آج دوسرے مرحلے کیلئے پولنگ ہو رہی ہے اور سکیورٹی کے سخت انتظامات کئے گئے ہیں وہیں پولیس اور نکسلیوں میں تصادم بھی ہوا ہے۔
ہندوستانی میڈیا کے مطابق چھتیس گڑھ کے ضلع دنتے واڑہ کےدھنیکرکا اور دوالیکرکا کے جنگلوں میں آج پولیس اور نکسلیوں کے درمیان تصادم میں ایک خاتون نکسلی سمیت دو نکسلیوں کے مارے جانے کی خبر ہے. اس کے ساتھ ہی سنتری ڈیوٹی پر تعینات ایک نکسلی بھی تصادم میں زخمی ہوا ہے، جسے ابتدائی علاج کے بعد ضلع اسپتال ریفر کر دیا گیا ہے۔
سرکاری ذرائع کے مطابق ڈی آرجی اور ضلع پولیس فورس کی مشترکہ کارروائی میں دھنیکرکا اور دوالیکرکا کے جنگلوں میں سرچنگ کے دوران پولیس اور نکسلیوں یں جھڑپ ہوئی ، جس میں دونکسلیوں کے مارے جانے کی خبر ہے ۔جائے وقوعہ پر جھڑپیں اب بھی جاری ہیں۔