SAHAR

ہندوستانی پارلیمنٹ میں حزب اختلاف کی جماعتوں نے ڈی این اے بل کی مخالفت کردی ہے۔

ہندوستانی خبررساں ایجنسی یواین آئی کے مطابق حزب اختلاف کی جماعتوں نے مشتبہ ملزمین، زیر سماعت قیدیوں اور متاثرہ افراد کی شناخت کے لئے ڈی این اے ٹیسٹ بل کی مخالفت کردی ہے۔ حزب اختلاف کی جماعتوں کا کہنا ہے کہ اس بل کے پاس ہونے سے ان بنیادی حقوق کی خلاف ورزی ہوگی جن کی آئین میں ضمانت دی گئی ہے لہذا یہ بل واپس لیا جائے ۔
مرکزی وزیر صحت ڈاکٹر ہرش وردھن نے پیر کو ڈی این اے ٹیکنالوجی ریگولیشن بل دو ہزار انیس پارلیمنٹ میں پیش کیا۔ بل پیش ہوتے ہی حزب اختلاف کی جماعت کانگریس کے رکن پارلیمنٹ ششی تھرور اور آر ایس پی کے این کے پریم چندرن نے اس کی سخت مخالفت کی اور کہا کہ یہ بل بنیادی حقوق کے منافی ہے لہذا حکومت اس کو واپس لے۔