SAHAR

ہندوستان کی سرکاری خبررساں ایجنسی یو ان آئی کی رپورٹ کے مطابق وزیر اعظم نریندر مودی نے بی جے پی پارلیمانی پارٹی کی ہفتے وار میٹنگ میں کہا کہ اس وقت پارٹی کے کارکنوں کو پوری طرح کورونا وائرس کے خلاف مہم میں لگ جانا چاہئے۔ 

انھوں نے کہا کہ حکمراں جماعت بھارتیہ جنتا پارٹی کو اس وقت تک کوئی بھی سیاسی اور تنظیمی مہم یا پروگرام نہیں چلانا چاہئے جب تک کورونا وائرس کی وبا ختم نہیں ہوجاتی۔ انھوں نے بی جے پی اراکین پارلیمنٹ کو بھی ہدایت کی کہ وہ اپنے اپنے علاقوں میں کورونا وائرس کے بارے میں، عوام کے درمیان بیداری مہم چلائیں۔ انھوں نے کہا کہ ان کا پیغام پارٹی میں نچلی ترین سطح تک پہنچنا چاہیئے۔ 

یاد رہے کہ ہندوستان کی وزارت صحت نے اعلان کیا ہے کہ منگل تک ملک میں کورونا وائرس میں ایک سو پچیس افراد کے مبتلا ہونے کی تصدیق ہوچکی ہے جن میں سے دو افراد لقمہ اجل بن چکے ہیں۔