ایرانی وزیر خارجہ نائیجیریا پہنچ گئے
Jul ۲۵, ۲۰۱۶ ۰۷:۵۲ Asia/Tehran
-
جواد ظریف کا نائیجیریا، گھانا، گنی کوناکری اور مالی کا دورہ اتوار سے شروع ہوا ہے جو جمعہ انتیس جولائی تک جاری رہے گا۔
اسلامی جمہوریہ ایران کے وزیر خارجہ محمد جواد ظریف مغربی افریقہ کے دورے میں اتوار کی شام کو نائیجیریا کے دارالحکومت ابوجا پہنچ گئے۔
ارنا کی رپورٹ کے مطابق جواد ظریف کے مغربی افریقہ کے ملکوں کے دورے میں ایک سیاسی و اقتصادی وفد بھی ان کے ہمراہ ہے۔
ایرانی وزیرخارجہ نائیجیریا، گھانا، گنی کوناکری اور مالی کے دورے کے دوران ان ملکوں کے سربراہوں، پارلیمنٹ کے اسپیکروں اور وزرائے خارجہ کے علاوہ اعلی حکام سے ملاقات اور گفتگو کریں گے۔
جواد ظریف کا ان چار افریقی ملکوں کا دورہ اتوار سے شروع ہوا ہے جو جمعہ انتیس جولائی تک جاری رہے گا۔
