Jun ۲۰, ۲۰۱۷ ۱۵:۳۱ Asia/Tehran
  • یورپی ملکوں نے بھی امریکی خلاف ورزیوں کی تصدیق کردی

ایٹمی معاہدے کی نگرانی کرنے والی ایرانی کمیٹی کے سینیئر رکن ڈاکٹرولایتی نے کہا ہے کہ یورپی ملکوں کا بھی کہنا ہے کہ امریکا نے ایٹمی معاہدے کی خلاف ورزی کی ہے -

ایٹمی معاہدے کی نگرانی کرنے والی ایرانی کمیٹی کے سینیئر رکن ڈاکٹرعلی اکبرولایتی نے ہمارے نمائندے سے گفتگوکے دوران امریکا کے ذریعے ایٹمی معاہدے کی خلاف ورزیوں کا ذکرکرتے ہوئے کہا کہ یورپی ملکوں نے بھی اس بات کی تصدیق کردی ہے کہ امریکا نے ایٹمی معاہدے کی خلاف ورزی کی ہے اور یورپی ممالک ایران کے ساتھ اپنے تجارتی تعلقات میں کسی قسم کا کوئی وقفہ نہیں آنے دیں گے - انہوں نے امریکی سینیٹ میں ایران مخالف پابندیوں کے تازہ بل کی منظوری کو ایٹمی معاہدے کی مختلف شقوں کی خلاف ورزی قراردیا اور کہا کہ یہ اقدام ایک ایسے وقت انجام پایاہے جب امریکا اور پانچ جمع ایک گروپ کے دیگر رکن ملکوں نے اس بات کا عہد کیا ہے کہ وہ ایسے ہر اقدام سے گریز کریں گے جس سے براہ راست یا بالواسطہ طور پر ایٹمی معاہدے پر عمل درآمد کی راہ میں مشکلات کھڑی ہوتی ہوں - امریکی سینیٹ پندرہ جون کو ایران مخالف تازہ پابندیوں کا ایک نیا بل پاس کیا ہے جس پر ایران نےشدید ردعمل ظاہر کرتے ہوئے کہا ہے کہ وہ اس کا بھرپور جواب دے گا -