ایران، فلسطین کے مظلوم عوام کے ساتھ
Aug ۰۷, ۲۰۱۷ ۱۲:۲۶ Asia/Tehran
اسلامی جمہوریہ ایران کے وزیر خارجہ محمد جواد ظریف نے فلسطینی تنظیم حماس کے وفد نے ملاقات میں کہا ہے کہ ایران اپنی پوری طاقت اور توانائی کے ساتھ فلسطین کے مظلوم عوام کی حمایت جاری رکھےگا۔
اسلامی جمہوریہ ایران کے وزیر خارجہ محمد جواد ظریف سے فلسطینی تنظیم حماس کے وفد نے ملاقات اور گفتگو کی۔ حماس کا وفد صدر حسن روحانی کی حلف برداری کی تقریب میں شرکت کے سلسلے میں تہران کے دورے پر ہے حماس کے وفد نے ایران کے وزیر خارجہ محمد جواد ظریف سے ملاقات میں مسئلہ فلسطین کی بھر پور حمایت کرنے پر ایرانی قوم اور حکومت کا شکریہ ادا کیا۔
ایران کے وزیر خارجہ نے حماس کے وفد سے ہونے والی ملاقات میں کہا کہ ایران فلسطین کے مظلوم عوام کی حمایت جاری رکھےگا اور ایران اپنی پوری طاقت اور قدرت کے ساتھ فلسطینیوں کے ساتھ کھڑا ہے۔