ایرانی عوام اغیارکی دھمکیوں اور سازشوں سے خوفزدہ نہیں
Aug ۲۷, ۲۰۱۷ ۱۱:۲۲ Asia/Tehran
صدر مملکت نے کہا ہے کہ حضرت امام خمینی نے نہ ڈرنے کا درس دیا ہے۔
اسلامی جمہوریہ ایران کے صدر نے کہا ہے کہ ایرانی عوام اغیار کی دھمکیوں اور سازشوں سے خوفزدہ نہیں ہے اس لئے کہ بانی انقلاب اسلامی حضرت امام خمینی (رح) نے اغیار سے نہ ڈرنے کا درس دیا ہے۔
ڈاکٹر حسن روحانی نے آج صبح اپنی کابینہ کے ہمراہ بانی انقلاب اسلامی حضرت امام خمینی (رح) کے حرم مطہر میں فاتحہ پڑھی، پھول چڑھائے اور آپ کے افکار و نظریات اور امنگوں سے تجدید عہد کرتے ہوئے کہا کہ حضرت امام خمینی (رح) نے 8 سالہ دفاع مقدس کے موقع پر جب بڑی طاقتوں نے جارح کی حمایت کی تھی ایرانی عوام کوعزم صمیم کے ساتھ سازشوں کا مقابلہ کرنے کا درس دیا۔
صدرمملکت نے بنیادی آئین،انتخابات،عوامی رائے، آزاد وخودمختارپارلیمنٹ اورعدلیہ کو امام خمینی (رح)کے جملہ اقدامات میں سے قرار دیا۔
