ایرانی وزیرخارجہ جنوبی افریقہ کے دورے پر
Oct ۲۲, ۲۰۱۷ ۱۰:۳۴ Asia/Tehran
ایرانی وزیر خارجہ جنوبی افریقہ کے دورے پر روانہ ہو گئے ہیں۔
اسلامی جمہوریہ ایران کے وزیرخارجہ محمد جواد ظریف اعلی سطحی سیاسی اور اقتصادی وفد کی قیادت میں افریقی ملکوں کے دورے کے پہلے مرحلے میں جنوبی افریقہ روانہ ہو گئے۔ اس دورے کے موقع پر ایران اور جنوبی افریقہ کے 13ویں مشترکہ اقتصادی کمیشن کا اجلاس بھی منعقد ہو گا.
ایران کے وزیر خارجہ جنوبی افریقہ کے دورے کے موقع پر اپنے ہم منصب سمیت جنوبی افریقہ کے صدر اور وزیرخزانہ کے ساتھ بھی ملاقاتیں کریں گے۔ محمد جواد ظریف افریقی ملکوں کے دوروں کے اگلے مرحلے میں یوگنڈا اور نائیجر کے دورے پر روانہ ہوں گے۔
