داعش پر فتح کا اعلان ایران سمیت سب کی خوشی کا باعث، صدر مملکت
Nov ۲۱, ۲۰۱۷ ۱۹:۳۹ Asia/Tehran
ایران کے صدر ڈاکٹر حسن روحانی نے شام کی سرزمین سے داعش دہشت گرد گروہ کی بنیاد کو اکھاڑ پھینک دیئے جانے کی خبر کو ایران اور پورے علاقے کے عوام کے لئے باعث خوشی قرار دیا ہے۔
صدر مملکت ڈاکٹر حسن روحانی نے تہران میں زراعت سے متعلق پانچویں ملک گیر کانفرنس سے اپنے خطاب میں داعش دہشت گرد گروہ کی شکست پر رہبر انقلاب اسلامی، فوج، سپاہ پاسداران انقلاب اسلامی، خاص طور سے میجر جنرل قاسم سلیمانی اور ایرانی سفارتکاروں کو مبارک پیش کی اور کہا کہ داعش ایک دہشت گرد گروہ ہے جسے بعض بڑی طاقتوں اور علاقے کی بعض رجعت پسند حکومتوں نے جنم دیا اور اسے مسلح کیا تھا۔ڈاکٹر حسن روحانی نے کہا کہ ایران، روس اور ترکی کے صدور بدھ کو سوچی میں ایک سہ فریقی اجلاس میں شام اور علاقے کی صورت حال اور مستقبل کے بارے میں تبادلہ خیال کریں گے۔
