SAHAR

ایران کی وزارت خارجہ کے ترجمان نے شام کے اقتدار اعلی کے احترام کی ضرورت پر زور دیتے ہوئے امید ظاہر کی ہے کہ عفرین میں ترک فوج کی کارروائی فورا بند ہو جائے گی۔

ترک فضائیہ کے جنگی طیاروں نے بیس جنوری کو شمالی شام کے شہر حلب سے ساٹھ کلومیٹر کے فاصلے واقع شہر عفرین کے مضافات میں بمباری کی تھی اور یہ آپریشن بدستور جاری ہے۔
ایران کی وزارت خارجہ کے ترجمان نے شام کی ارضی سالمیت اور اقتدار اعلی کے احترام پر زور دیتے ہوئے کہا ہے کہ اسلامی جمہوریہ ایران کو شام کے شہر عفرین کی صورتحال پر تشویش ہے اور تہران حالات کا قریب سے جائزہ لے رہا ہے۔
ایران کی وزارت خارجہ کے ترجمان کا کہنا تھا کہ عفرین کا بحران جاری رہنے کی صورت میں شمالی شام کے علاقوں میں تکفیری اور دہشت گرد گروہوں کے دوبارہ مضبوط ہونے کا امکان پایا جاتا ہے اور جنگ کے شعلے دوبارہ بھڑک سکتے ہیں۔