صدر ایران تین روزہ دورے پر جمعرات کو ہندوستان روانہ ہوں گے
Feb ۱۴, ۲۰۱۸ ۲۰:۱۰ Asia/Tehran
اسلامی جمہوریہ ایران کے صدر ڈاکٹرحسن روحانی ہندوستانی وزیراعظم نریندر مودی کی باضابطہ دعوت پر جمعرات سے نئی دہلی کا تین روزہ دورہ شروع کر رہے ہیں۔
صدر مملکت ڈاکٹر روحانی ایران ہندوستان تعلقات کے فروغ اور وزیراعظم نریندر مودی کے گذشتہ سال کے دورہ ایران کے جواب میں جمعرات پندرہ فروری سے ہندوستان کا دورہ کریں گے۔
صدر مملکت اپنے اس دورے میں ہندوستان کے صدر، وزیر اعظم، مسلم کمیونٹی کی اعلی شخصیات سے ملاقات کرنے کے علاوہ ثقافتی اور مذہبی مراکز کا بھی دورہ کریں گے۔
ایران کے صدر کے دورے کے موقع پر دونوں ممالک کے نجی شعبوں کی مشترکہ کانفرنس بھی ہوگی جس میں دوطرفہ تجارتی اور سرمایہ کاری بڑھانے کے طریقوں کا جائزہ لیا جائے گا۔
ڈاکٹرروحانی ہفتہ کی شام اپنا دورہ مکمل کرکے نئی دہلی سے وطن روانہ ہوں گے۔
