ایران شیطانی طاقتوں کے مقابلے میں ڈٹا ہوا ہے، جنرل موسوی
Mar ۲۴, ۲۰۱۸ ۱۹:۴۵ Asia/Tehran
ایران کی بری فوج کے کمانڈر جنرل عبدالرحیم موسوی نے کہا ہے کہ ایران مزاحمتی محاذ کو ناکام بنانے کی خواہاں شیطانی طاقتوں کے مقابلےمیں کامیابی کے ساتھ ڈٹا ہوا ہے۔
تسنیم نیوز ایجنسی سے بات چیت کرتے ہوئے جنرل عبدالرحیم موسوی نے کہا کہ ایران کے تمام دشمن اور خاص طور سے ان کے سرخیل امریکہ اور اسرائیل کو اچھی طرح معلوم ہے کہ اگر ایران کے عوام اسلامی انقلاب کی امنگوں اور تعلیمات پر باقی رہیں تو نہ امریکہ طاقت کی منسد پر باقی رہے اور نہ ہی اسرائیل اپنے ناجائز وجود کو باقی رکھ پائے گا۔ایران کی بری فوج کے کمانڈر نے واضح کیا کہ ایران اپنی طاقت اور دفاع وطن کے تجربات کے ذریعے امریکہ کو طاقت کی مسند سے باہر کرسکتا ہے اور اسرائیل بھی پچیس سال سے زیادہ عرصہ اپنا وجود باقی نہیں رکھ سکے گا۔