SAHAR

چین کا کہنا ہے کہ ایران نے امریکی پابندیوں کے سامنے زبردست مزاحمت دکھائی

چین کی سرکاری نیوز ایجنسی شین ہوا نے اپنی ایک رپورٹ میں کہا ہے کہ اسلامی جمہوریہ ایران نہ صرف تیل پابندیوں کا مقابلہ کرنے کی طاقت رکھتا ہے بلکہ وہ امریکی بلیک میلنگ کے سامنے سرنڈر نہیں کرے گا.

شین ہوا کی رپورٹ میں مزید کہا گیا ہے کہ نومبر میں نئی تیل پابندیوں کا آغاز ہوگا جبکہ ایران بھرپور کوشش کررہا ہے کہ کسی بھی صورت میں ان پابندیوں کا مقابلہ کرے.

اسلامی جمہوریہ ایران نے بارہا امریکی اقدامات کو چیلنج کیا اور حالیہ برسوں میں بھی اس نے پابندیوں کے سامنے زبردست مزاحمت دکھائی.

چینی نیوز ایجنسی کے مطابق،ایران کے صدرحسن روحانی نے بھی اپنی حالیہ تقریر میں قوم سے کہا تھا کہ امریکہ، پابندیوں سے ایران کو نہیں جھکا سکتا اور نہ ہی ان پابندیوں سے ایرانیوں کی زندگی متاثر ہوگی.