خلیج فارس کے سچے موتی ایران کے نام سے رجسٹرڈ
Oct ۲۳, ۲۰۱۸ ۱۴:۲۹ Asia/Tehran
ایران کی سمندری حدود سے نکلنے والے موتیوں کو عالمی سطح پر خلیج فارس کے نام سے رجسٹرڈ کر لیا گیا۔
ایرانی وزارت صنعت، کان کنی اور تجارت کے صنعتی پراپرٹی آفس کے مینیجر سید مہدی میر صالحی نے کہا ہے کہ عالمی تنظیم ورلڈ انٹیلکچوول پراپرٹی آرگنائزیشن نے خلیج فارس کے موتیوں کو ایران کے نام سے رجسٹرڈ کر لیا ہے۔
میرصالحی نے کہا کہ یہ اقدام ڈبلیو آئی پی او کی جانب سے خلیج فارس کے نام اور جغرافیائی پوزیشن کی حمایت کی علامت ہے لہذا عالمی قوانین کے مطابق کوئی ملک اور تنظیم خلیج فارس کے نام کو تبدیل نہیں کرسکتا۔
قابل ذکر ہے کہ دنیا کے بہترین سچے موتی ایران کے سمندری علاقے خلیج فارس میں پائے جاتے ہیں۔