SAHAR

ایرانی سائنسدانوں اور دفاعی ماہرین کے تیار کردہ لڑاکا طیارے کوثر کی پہلی کھیپ جلد فضائیہ کے حوالے کردی جائے گی۔

یہ بات ایران کے وزیر دفاع امیر حاتمی نے بدھ کے روز صحافیوں سے بات چیت کرتے ہوئے کہی۔ انہوں نے کہا کہ کوثر طیاروں کی پیداواری لائن کا جلد افتتاح کر دیا جائے گا اور کوثر کی پہلی کھیپ جلد فضائیہ کے حوالے کر دی جائے گی۔
کوثر لڑاکا طیارہ مکمل طور پر ایرانی ٹیکنالوجی سے تیار کیا گیا ہے۔ لڑاکا طیارہ کوثر، ایڈوانس ایوی ایشن اور فائرکنٹرول سسٹم سے لیس ہے اور اس کو کم فاصلے کے فوجی مشن کی انجام دہی کے لیے استعمال کیا جا سکتا ہے۔
قابل ذکر ہے کہ ایران دنیا کے ایسے چند ممالک کی صف میں شامل ہو گیا ہے جو جدید ترین لڑاکا طیارے ڈیزائن اور تیار کرنے کی ٹیکنالوجی رکھتے ہیں۔