SAHAR

اسلامی جمہوریہ ایران نے غزہ میں غاصب صیہونی حکومت کے فوجیوں کے ہاتھوں تحریک مزاحمت کے ایک کمانڈر اور اسی طرح متعدد فلسطینیوں کی شہادت کی شدید مذمت کی ہے۔

ایران کی وزارت خارجہ کے ترجمان بہرام قاسمی نے غاصب صیہونی حکومت کو علاقے میں سرکاری دہشت گردی کا مجسم نمونہ قرار دیتے ہوئے کہا ہے کہ امریکہ کی حمایت و پشتپناہی اور علاقے کے اس کے اتحادی ملکوں کی خاموشی کے سائے میں غاصب صیہونی حکومت کے ہاتھوں جارحیت اور سلسلے وار قتل و تشدد کا سلسلہ بدستور جاری ہے۔ایران کے دفتر خارجہ کے ترجمان بہرام قاسمی نے غاصب صیہونی حکومت کے ہاتھوں وحشیانہ جارحیت اور قتل عام کا سلسلہ بند کرانے کے لئے عالمی اداروں کی فوری مداخلت کی ضرورت پر زور دیا۔