ایران و پاکستان کے مابین تجارتی لین دین 2 ارب ڈالر سے زائد
Dec ۰۶, ۲۰۱۸ ۱۱:۵۳ Asia/Tehran
پاکستان میں تعینات اسلامی جمہوریہ ایران کے سفیر نے کہا ہے کہ ایران و پاکستان کے مابین تجارتی لین دین کی سطح 2 ارب ڈالر سے زائد ہے جو ایک نیک شگون ہے۔
پاکستان میں تعینات اسلامی جمہوریہ ایران کے سفیرمہدی ہنردوست نے کہا ہے کہ گزشتہ دو سال کے دوران ایران و پاکستان کے مابین تجارتی لین دین کی سطح کافی حد تک بڑھی ہے جو ہمارے لئے اطمینان کا باعث ہے۔
ایران کے سفیر کا کہنا تھا کہ اگرایران اور پاکستان کے درمیان بینکنگ کا مسئلہ حل ہو جائے تو تجارت میں کہیں زیادہ اضافہ ہو سکتا ہے.
ایرانی سفیر نے پاک ایران تعلقات کو دوستانہ قرار دیتے ہوئے کہا کہ ایران، پاکستان کے ساتھ تجارتی روابط کو فروغ دینے میں دلچسپی رکھتا ہے۔
