اسرائیل عالمی قوانین کی خلاف ورزی کر رہا ہے: جواد ظریف
Feb ۲۲, ۲۰۱۹ ۱۰:۱۳ Asia/Tehran
ایران کے وزیر خارجہ نے کہا ہے کہ صیہونیوں کی جانب سے لبنان اور شام کی فضائی حدود اور عالمی قوانین کی کھلی خلاف ورزی ہو رہی ہے۔
اسلامی جمہوریہ ایران کے وزیر خارجہ محمد جواد ظریف نے جرمن اخبار Sueddeutsche Zeitung کو انٹرویو میں خطے میں صیہونی مہم جوئی کو خطرناک قرار دیتے ہوئے کہا کہ شام پر صیہونی دراندازی مہم جوئی ہے ۔
ایران کے وزیر خارجہ نے کہا کہ غاصب صیہونی حکومت کی جانب سے مہم جوئی کا سلسلہ جاری ہے اور یہ ایک خطرناک مسئلہ ہے ۔
محمد جواد ظریف کا کہنا تھا کہ ایران، دمشق حکومت کی باضابطہ دعوت پر شام میں موجود ہے جبکہ غاصب اسرائیل شام اور لبنان کی فضائی حدود کی کھلی خلاف ورزی کرتا ہے ۔
