SAHAR

ایران کے وزیر خارجہ نے کہا ہےکہ امریکہ دھمکی آمیز اقدامات کے ذریعے ایرانی تیل کے خریدار ممالک کو تیل کی فروخت کی راہ میں روڑے اٹکا رہا ہے۔

اسلامی جمہوریہ ایران کے وزیر خارجہ محمد جواد ظریف نے اپنے ایک ٹوئٹر پیغام میں کہا ہے کہ امریکہ نے ہم کو دفاعی ساز و سامان سے محروم کردیا اور اب ملکی وسائل سے تیار دفاعی میزائل سسٹم پر امریکہ احتجاج  کر رہا ہے۔

انہوں نے مزید کہا کہ امریکہ نے ہم کو جوہری ایندھن سے محروم کر دیا اور ایران نے ملک میں جوہری ایندھن تیار کیا جس پر امریکہ نے احتجاج کیا۔

جواد ظریف نے مزید کہا کہ امریکہ فی الحال بحری قزاقی اور دھمکی دینے کے ذریعے ایرانی تیل کے روایتی خریداروں م کو تیل کی فروخت کرنے میں رکاوٹیں حائل کرنے کی کوشش کر رہا ہے۔