SAHAR

اسلامی جمہوریہ ایران کے پہلوانوں نے گریکو رومن کشتی کے مقابلے میں شاندار کامیابی حاصل کرتے ہوئے گولڈ میڈل جیت لئے

ارنا کی رپورٹ کے مطابق بوڈاپسٹ میں ہونے والے گریکو رومن کشتی کے مقابلوں میں ایرانی پہلوان میثم دلخانی ، ترسٹھ کیلوگرام اور علی اکبر یوسفی ، ایک سو تیس کیلو گرام کے اوزان میں اپنے حریفوں کے مقابلے میں میدان میں اترے اور گولڈ میڈل اپنے نام کر لیا۔

گریکو رومن کشتی کے عالمی مقابلوں میں تیئیس سال سے کم عمر کے کھلاڑیوں نے حصہ لیا ۔ گریکو رومن کشتی کے عالمی مقابلے یکم نومبر سے تین نومبر تک ہنگری کے دارالحکومت بوڈا پسٹ میں ہو رہے ہیں۔

اس سے قبل تیس نومبر کو ہنگری میں ہونے والے کشتی کے عالمی چیمپیئن شپ ٹورنا منٹ میں ایران کی فری اسٹائل کشتی کی قومی ٹیم نے سونے کے تین اور چاندی کے دو میڈل حاصل کئے تھے۔