دنیا کو امریکی جھوٹ، نفرت اور تشدد جیسے خطرناک جراثیم کا سامنا
Mar ۱۱, ۲۰۲۰ ۰۸:۱۷ Asia/Tehran
اسلامی جمہوریہ ایران کی وزارت خارجہ کے ترجمان نے کہا ہے کہ کورونا وائرس کسی خاص قوم اور علاقہ سے مخصوص نہیں ہے اور یہ ایک عالمی چیلنج بن چکا ہے۔
اسلامی جمہوریہ ایران کی وزارت خارجہ کے ترجمان سید عباس موسوی نے اپنے ایک ٹوئیٹر بیان میں کہا ہے کہ کورونا وائرس ایک عالمی چیلنج اور عالمی مسئلہ ہے اس کا تعلق کسی خاص قوم اور خطے سے نہیں ہے اس کا باہمی تعاون کے ساتھ مقابلہ کیا جاسکتا ہے۔ انھوں نے کہا کہ دنیا کو گزشتہ تین سال سے امریکی جھوٹ، نفرت اور تشدد جیسے خطرناک جراثیم کا سامنا ہے ۔
سیدعباس موسوی نے امریکی وزیر خارجہ مائیک پمپئو کی طرف سے کورونا وائرس کو ووہان وائرس قراردینے کی طرف اشارہ کرتے ہوئے کہا کہ اس قسم کے غیر اخلاقی بیانات کی آج کی دنیا میں کوئی حیثیت نہیں ہے۔ دنیا میں اس وباء کا باہمی اتحاد سے مقابلہ کرنے کی صلاحیت موجود ہے۔