غریب طوس نے غریبوں کا قرض ادا کیا+ ویڈیو
رہبر انقلاب اسلامی آیت اللہ العظمی سید علی خامنہ ای نے اپنے حالیہ خطاب میں کورونا وائرس کی وجہ سے معاشرے کے کچھ افراد کی زندگی سخت ہونے کا حوالہ دیتے ہوئے کہا کہ جن کے پاس توانائی ہے اور وہ مدد کر سکتے ہیں انہیں چاہئے کہ ضرورت مندوں کی مدد کے لئے وسیع مہم شروع کریں، خاص طور پر اس وقت جب رمضان المبارک کا مہینہ قریب ہے جو ایثار و قربانی اور انفاق و اطعام کا مہینہ ہے۔
رہبر انقلاب اسلامی کی اس نصیحت کے بعد مشہد مقدس میں واقع امام رضا علیہ السلام کے روضے کی جانب سے شہر کے غریب علاقوں میں ٹیمیں بھیجی گئیں جنہوں نے علاقوں کی دکانوں میں جاکر پتہ کیا کہ غریب طبقے کے افراد نے کتنا سامان قرض لیا ہے اور پھر اُن کا وہ قرض ادا کر دیا گیا۔
اس ویڈیو میں آپ دیکھ سکتے ہیں کہ کس طرح روضہ امام رضا علیہ السلام کی جانب سے بھیجے گئے افراد دکانوں میں جاکر غریبوں کا قرض ادا کر رہے ہیں۔
