Sep ۰۷, ۲۰۱۵ ۱۲:۱۴ Asia/Tehran
  • قطر، القاعدہ اور داعش دہشت گردوں کا حامی
    قطر، القاعدہ اور داعش دہشت گردوں کا حامی

عراقی پارلیمنٹ کے خارجہ تعلقات کمیشن کے رکن نے قطرکو القاعدہ اور داعش کا حامی قرار دیا ہے

النھرین ویب سائٹ کی رپورٹ کے مطابق عراقی پارلیمنٹ کے خارجہ تعلقات کمیشن کے رکن مثال آلوسی نے قطرکی جانب سے عراق میں سیاسی عمل کے مخالفین اور بعثیوں کا اجلاس منعقد کرانے کی طرف اشارہ کرتے ہوئے دوحہ کو القاعدہ اورداعش دہشت گردوں کا حامی قرار دیا ہے-

مثال آلوسی نے قطر کی طرف سے عراق کی سابق بعثی حکومت سے وابستہ عناصراوردہشت گردی کے منصوبہ سازافراد کی میزبانی کا ذکر کرتے ہوئے کہا کہ ملت عراق نے دہشت گردانہ پالیسیوں کے سبب ایک عرصے تک تکلیف اورمشکلات برداشت کی ہیں اوراسی وجہ سے اسےعراق کی تقسیم کی غرض سے منعقد ہونے والی دوحہ کانفرنس میں شرکت کرنے والوں پرغصہ ہے-

 درایں اثنا عراقی پارلیمنٹ کے اسپیکرسلیم الجبوری کو دوحہ کانفرنس میں شرکت کی وجہ سے شدید تنقید کا سامنا کرنا پڑرہا ہے جبکہ سلیم الجبوری نے اپنے اس غیر ذمہ دارانہ اقدام کا جواز پیش کرتے ہوئے دعوی کیا ہے کہ انھوں نے عرب بھائیوں کے ساتھ تعلقات کوفروغ دینے کی غرض سے دوحہ کا دورہ کیا ہے-

 بعض عراقی ممبران پارلیمنٹ سلیم الجبوری کی برطرفی کا مطالبہ کرتے ہوئے دوحہ کانفرنس کو عراق کی تقسیم کی سازش کا حصہ سمجھتے ہیں اوراس کانفرنس کے شرکاء سے بازپرس کے لئے ایک کونسل تشکیل دینے کا مطالبہ کررہے ہیں-

ٹیگس