SAHAR

المخا شہرمیں سعودی لڑاکا طیاروں نے کئی رہائشی مکانات کو بھی نشانہ بنایا- دارالحکومت صنعا کے الحفا، النہدین اورعطان علاقوں کو بھی سعودی لڑاکا طیاروں نے نشانہ بنایا جس کے نتیجے میں متعدد شہری شہید ہو گئے- جارح سعودی لڑاکا طیاروں نے صوبہ مآرب میں بھی کئی رہائشی علاقوں پر بمباری کی ہے لیکن اس میں ہونے والے جانی اور مالی نقصان کی کوئی اطلاع ابھی نہیں ملی ہے-

 ادھر یمنی فوج اور عوامی فورس نے سعودی جارحیت کے جواب میں الممعود فوجی اڈے پر میزائل حملہ کیا ہے جس کے نتیجے میں اس کا کنٹرول ٹاور اور سعودی فوج کی تین گاڑیاں تباہ ہو گئیں- کئی سعودی فوجی بھی اس حملے میں ہلاک ہوئے ہیں- سعودی عرب کے صوبہ عسیر کے شہر ظہران کے علب علاقے میں واقع الحضیر فوجی اڈا بھی پیر کی رات میزائل حملے کا نشانہ بنا- اس حملے میں ہونے والے جانی اور مالی نقصان کے بارے میں ابھی کوئی رپورٹ موصول نہیں ہوئی ہے-

صوبہ جیزان میں واقع الردیف فوجی اڈے پر سعودی فوج کی ایک بکتربند گاڑی تباہ ہو گئی اور اس پرسوار تمام افراد ہلاک ہو گئے-