SAHAR

عالمی ریڈ کراس تنظیم نے افغانستان کے شہر قندوز میں جاری جھڑپوں پر اپنی گہری تشویش کا اظہار کیا ہے۔

موصولہ رپورٹ کے مطابق عالمی ریڈ کراس تنظیم نے پیر کے روز افغانستان کے شہر قندوز میں متحارب فریقوں سے مطالبہ کیا ہے کہ وہ، عام شہریوں کا تحفظ کرتے ہوئے انسان دوستانہ امداد کے حوالے سے عالمی ریڈ کراس تنظیم کے عملے کے ساتھ مکمل تعاون کریں۔

عالمی ریڈ کراس تنظیم کے بیان میں کہا گیا ہے کہ شہر قندوز میں دواؤں اور طبّی وسائل کی شدید قلّت ہے اور اس علاقے میں ہنگامی طور پر انسان دوستانہ امداد پہنچائے جانے کی اشد ضرورت ہے۔