SAHAR

اکتوبر میں تحریک انتفاضہ شروع ہونے کے بعد سے صیہونی حکومت کے سیکورٹی اہلکار اب تک چھتیس بار فلسطینی ذرائع ابلاغ پر حملہ کر چکے ہیں

قدس نیوز کی رپورٹ کے مطابق فلسطین کے ریڈیو ٹی وی کی یونین کا کہنا ہے کہ انتفاضہ قدس کہ جو اپنے تیسرے مرحلے میں داخل ہو چکی ہے، کے دوران صیہونی حکومت چھتیس بار فلسطینی ذرائع ابلاغ پر حملے کر چکی ہے اوراس درمیان گیارہ فلسطینی صحافی زخمی ہو چکے ہیں جبکہ پانچ افراد کو گرفتار کیا جا چکا ہے-

صیہونی حکومت کے سیکورٹی اہلکار تحریک انتفاضہ کے دوران حملہ کر کے صحافیوں اور نامہ نگاروں کے کیمرے اور دوسرے ساز و سامان توڑ دیتے ہیں اور صحافیوں کو گرفتار کرنے کے ساتھ ہی انھیں تشدد کا نشانہ بناتے ہیں کہ جو دنیا میں تسلیم شدہ آزادی بیان اور پیغام رسانی کے اصولوں کے پوری طرح منافی ہے -

صیہونی حکومت، تحریک انتفاضہ کے دوران تین فلسطینی ریڈیو اسٹیشنوں کے دفاتر بند کر چکی ہے- اسی طرح اس نے ریڈیو ناس اور ریڈیو ون کو بھی بند کرنے کی دھمکی دی ہے جو غرب اردن میں کام کرتا ہے-

یہ ایسے عالم میں ہے کہ صیہونی حکومت کی جیلوں میں اس وقت سترہ صحافی قید و بند کی مصیبتیں برداشت کر رہے ہیں-