SAHAR

ترکی کے صدر رجب طیب اردوغان نے انقرہ بم دھماکے کے ذمہ داروں کو دندان شکن جواب دینے کا اعلان کیا ہے۔

فرانس پریس کی رپورٹ کے مطابق ترکی کے صدر رجب طیب اردوغان نے بدھ کی رات اس بات پر زور دیا کہ ترکی کی حکومت انقرہ کار بم دھماکے کا دندان شکن جواب دے گی۔ انھوں نے ایک بیان میں خبردار کیا کہ سب یہ بات جان لیں کہ ترکی ہر جگہ اور ہر وقت جائز دفاع کرنے کے لیے اپنے حق کو استعمال کرنے میں جھجھک سے کام نہیں لے گا۔

واضح رہے کہ بدھ کی رات ترکی کے دارالحکومت انقرہ میں ایک فوجی قافلے کے قریب کار بم دھماکہ کیا گیا جس میں کم سے کم اٹھائیس افراد جاں بحق اور اکسٹھ زخمی ہو گئے۔