سعودی اتحادی فوجیوں کے ٹھکانوں پر یمنی فوج کا حملہ
Apr ۰۲, ۲۰۱۶ ۱۵:۱۷ Asia/Tehran
یمنی فوج نے جنوبی صوبہ تعز میں سعودی اتحادیوں کے ٹھکانوں پر حملہ کرکے بہت سے سعودی اتحادی فوجیوں کو ہلاک کردیا ہے
المسیرہ ٹیلی ویژن چینل نے خبردی ہے کہ یمنی فوج نے عوامی رضاکارفورس کی مدد سے جنوبی صوبے تعز کے علاقے وازعیہ کے اطراف کی کئی پہاڑیوں اور متعدد دیہی علاقوں کو آزاد کرالیاہے-
یمنی فوج نے اس علاقے میں ان سبھی سرکاری عمارتوں کو بھی سعودی اتحادیوں کے قبضے سے آزاد کرالیا جن پر انہوں نے قبضہ کر لیا تھا -
ادھر صوبہ مارب میں بھی یمنی فوج اور عوامی رضاکارفورس نے بڑی تعداد میں سعودی عرب اور اس کے اتحادیوں کےفوجیوں کو موت کے گھاٹ اتاردیا ہے -
گذشتہ برس چھبیس مارچ کو سعودی عرب نےیمن پر اپنے وحشیانہ حملوں کا آغاز کیا تھا جو ابھی تک جاری ہیں لیکن اس عرصے میں سعودی حکومت اپنا ایک بھی مقصد حاصل نہیں کرسکی ہے -