Aug ۱۳, ۲۰۱۶ ۱۲:۰۵ Asia/Tehran
  • شام: حلب میں شامی فوج کی کامیابیوں کا سلسلہ جاری

شام کی فوج نے حلب کے مضافاتی علاقے میں اپنی کامیابیوں کا سلسلہ جاری رکھتے ہوئے دہشت گردوں کو شدید جانی اور مالی نقصان پہنچایا ہے۔

العالم ویب سائٹ کی رپورٹ کے مطابق شام کی فوج نے جمعے کے دن جنوبی حلب کے علاقے میں واقع خلصہ دیہات میں دہشت گرد گروہ جیش الفتح کے عناصر کے اجتماع پر حملہ کر دیا جس کے نتیجے میں متعدد دہشت گرد ہلاک ہوگئے ہیں۔

دہشت گردوں نے شام کے فوجیوں کی تعیناتی کے مراکز پر قبضے کی کوشش کی جس کے بعد دہشت گردوں اور شامی فوجیوں کے درمیان شدید جھڑپ ہوئی۔ اس جھڑپ میں متعدد دہشت گرد ہلاک ہوگئے ہیں۔

شام کے فوجیوں نے جمعے کے دن حوش نصری نامی دیہات میں متعدد دہشت گردوں کو ہلاک کر دیا اور اس علاقے کو آزاد کرا لیا۔ جس کے بعد شام کے فوجی سعودی عرب کے حمایت یافتہ دہشت گرد گروہ جیش الاسلام کے گڑھ دوماکے قریب پہنچ گئے ہیں۔

 

ٹیگس