شام: پالمیرا کے قریب کئی علاقے آزاد
Mar ۲۰, ۲۰۱۷ ۱۷:۵۵ Asia/Tehran
شامی فوج اور اس کی اتحادی قوتوں نے صوبے حمص میں پالمیرا کے مشرقی مضافاتی علاقوں المزار اور الہرم پہاڑوں کو آزاد کرا لیا۔
العالم کی رپورٹ کے مطابق شامی فوج، پیر کے روز المزار اور الہرم پہاڑی سلسلے کو آزاد کراتے ہوئے اراک تیل کے کنوؤں کے پندرہ کلو میٹر قریب تک پہنچ گئی ہے۔شامی فوج نے گذشتہ چند روز کے دوران پالمیرا کے کئی علاقوں کو آزاد کرایا ہے اور دسیوں دہشت گردوں کو ہلاک کرنے کے علاوہ ان کے ہتھیاروں کو بھی تباہ کیا ہے۔دریں اثنا دمشق کے قریب العباسیین کے علاقے پر دہشت گردوں کے ناکام حملے میں فوج کے ہاتھوں کم از کم تیس دہشت گرد ہلاک ہوئے ہیں - ۔شامی فوج نے پیر کے روز ایک کارروائی کر کے دمشق کے مشرق میں واقع جوبر کے شمال میں المعامل میں دہشت گرد گروہوں منجملہ جبہت النصرہ گروہ کا محاصرہ تنگ کر دیا ہے۔
