سعودی اتحادی افواج کے کیمپ پرمیزائلی حملہ
Mar ۲۸, ۲۰۱۷ ۰۹:۳۷ Asia/Tehran
یمنی فوج نے نجران کے علاقے میں سعودی اتحادی افواج کے کیمپ پربیلسٹک میزائل سے حملہ کیا ہے۔
یمنی فوج نے نجران میں سعودی فوج کے نہایت اہم مرکز پر الصمود نامی میزائل سے حملہ کیا ہے۔
یمنی فوج کا کہنا ہے کہ الصمود نامی میزائل مقامی طور پر تیار کیا گیا جو ٹھیک نشانے پر لگا ہے۔
واضح رہے کہ اس سے پہلے بھی یمنی فوج نے متعدد بار سعودی اتحادی فوجی کیمپوں پر میزائل حملے کئے ہیں۔
یمن پر جاری سعودی عرب کی جارحیت میں اب تک ہزاروں نہتے یمنی شہری شہید اورزخمی ہوچکے ہیں۔
انسانی حقوق کی تنظیموں کی رپورٹ کے مطابق یمن کے خلاف سعودی جارحیت میں گزشتہ دوسال کے دوران 10 ہزار 811 شہری شہید اور 7 ہزار 888 دیگر زخمی ہوئے ہیں نیز ملک کے بنیادی ڈھانچے کو بری طرح نقصان پہنچایا گيا ہے۔
شہید ہونے والوں میں 649 خواتین، 1002 بچے اور 9 ہزار 160 مرد شامل ہیں۔