شامی کردوں کے ٹھکانوں پر ترک فضائیہ کی بمباری
Apr ۲۶, ۲۰۱۷ ۱۹:۳۶ Asia/Tehran
شمال مشرقی شام پر ترک فوج کے فضائی حملے میں مرنے والوں کی تعداد بیس سے تجاوز کرگئی ہے۔
ترک حکام نے دعوی کیا ہے کہ فضائیہ کے لڑاکا طیاروں نے شمال مشرقی شام میں کرد فورس کے ٹھکانوں پر بمباری کی ہے جس میں مرنے والوں کی تعداد اٹھائیس ہوگئی ہے۔ اس حملے میں انیس افراد زخمی بھی ہوئے ہیں۔
شام کے ہیومن رائٹس آبزرویٹری گروپ کے سربراہ رامی عبدالرحمان نے کہا ہے کہ ترک فوج کے حملے میں ہلاک اور زخمی ہونے والے مسلح کردوں کا تعلق شامی کردوں کی تنظیم پی وائی جی سے ہے جو شمالی شام میں دہشت گرد گروہ داعش کے خلاف برسر پیکار ہے۔
پی وائی جی کے جنگجو شامی کردوں کی ڈیموکریٹ فورس کا حصہ ہیں جو امریکی اتحاد میں شامل ہے۔
رامی عبدالرحمن نے مزید کہا کہ ترک فضائیہ کی بمباری میں صوبہ حسکہ کے شہر مالکیہ میں متعدد عمارتیں تبا ہوگئی ہیں۔