SAHAR

شام کے سرحدی علاقے میں شامی مہاجرین کے کیمپ پردہشتگرد گروہ داعش کے حملے میں 30 سے زائد افراد جاں بحق اور 34 زخمی ہوگئے۔

شام کی خبر رساں ایجنسی سانا کی رپورٹ کے مطابق شام کے شمال مشرقی صوبے الحسکہ میں دہشتگرد گروہ داعش نے سرحد کے قریب قائم مہاجرین کے کیمپ کو نشانہ بنایا جہاں 300 کے قریب مہاجرین عارضی طور پر مقیم تھے، ہونے والے یکے بعد دیگرے دھماکوں کے بعد کیمپ میں بھگدڑ مچ گئی جس سے 30 سے زائد افراد جاں بحق اور 34 زخمی ہوگئے زخمیوں میں کئی کی حالت تشویشناک ہے۔

حکام کے مطابق جاں بحق افراد میں خواتین اور بچے بھی شامل ہیں۔