امریکی سعودی گٹھ جوڑ
May ۲۰, ۲۰۱۷ ۰۷:۵۷ Asia/Tehran
امریکی صدر ڈونلڈ ٹرمپ کے دورہ سعودی عرب سے قبل امریکہ اور سعودی عرب کے حکام نے حزب اللہ لبنان کے انتظامی امور کے رہنما کو دہشت گردوں کی فہرست میں قراردے کران پر پابندی عائد کردی ہے۔
موصولہ رپورٹوں کے مطابق امریکی صدر ڈونلڈ ٹرمپ کے دورہ سعودی عرب سے قبل امریکہ اور سعودی عرب کے حکام نے مل کرحزب اللہ لبنان کی انتظامی امور کونسل کے سربراہ سید ہاشم صفی الدین کو دہشت گردوں کی فہرست میں قراردے کر ان پر پابندی عائد کردی ہے۔
ہاشم صفی الدین کو ہدف بنانے میں سعودی عرب بھی امریکہ کے ساتھ شامل ہے۔ سعودی عرب امریکہ کے ساتھ مل کر خطے میں دہشتگردی کی حمایت کے ذریعے اسلامی مزاحمتی تنظیموں اور اسلامی ممالک خاص طور سے شام میں عدم استحکام پیدا کررہا ہے ۔